နောက်ချောင်းကပန်းနီလာ၊ ဗေဒါမ … လား။
ရှေ့ချောင်းကပန်းနီလာ၊ ဗေဒါမ .. လား။
ဒီဆိုင်ကျခါမှ
ချောင်းမကိုအရောက်ခဲ၊ တွဲတက်စို့လား .. .. တဲ့။
နောက်ချောင်းကပန်းဗေဒါ၊ ဆန်လာပေါ့လေး။
ရှေ့ချောင်းကပန်းဗေဒါ၊ ဆန်လာပေါ့လေး။
ဒီဆိုင်မှာနှစ်ခိုင်ခဲပေမဲ့။
မတွဲသာ ကြာလေဝေး၊ ဝဲကျော်ကြောင့်လေး။
ဝဲကျော်က မလော်မာပါ … တဲ့။
ဒီအပြိုင် ဒီဆိုင်ထဲ ဝဲကတစ်ရာ။
ဒီအားကြောင့် မနားသာ၊ ပတ်ချာလည်ဘဝ
ဝဲခွင်ဝင်သမျှ၊ ထိုးထွက်နိုင်မှ။ ။
ဇော်ဂျီ