မဗေဒါသောင်စပ်က လှောင်တတ်ပေလေး။
ကျူရိုးရှင် ပီပီအားနဲ့၊ လူကြွားတဲ့လေး။
လေှာင်ရက်ပေ့ဗေဒါခင်။
ဒီချောင်းရေ ကျွန်းမြေဖွား၊ ဝါးငယ်မှျပင်။
ကျူရိုးတံရှင်၊ ကြွားချင်လို့ဟုတ်ပဲ။
ရွက်ရိုးဖြူကျူပလွေနဲ့
ကျူရိုးဖေ ငယ်စဉ်ကတဲ၊ ကျွမ်းခဲ့လို့ပဲ။
မဗေဒါသောင်စပ်က လှောင်တတ်ပေလေး။
ကျူရိုးရှင် ပီပီကော့နဲ့၊ လူကြော့တဲ့လေး။
လှောင်ရက်ပေ့ဗေဒါခင်။
ဒီချောင်းမြေ ချောင်းရေလမ်း၊ ပန်းလှပြာစင်။
ကျူရိုးတံရှင်၊ ကြော့ချင်လို့ဟုတ်ပဲ။
ဒီလှိုင်းထံတျာနဲ့
မဗေဒါမယ့်ဟန်ပွဲ၊ လွမ်းခဲ့လို့ပဲ။
မဗေဒါသောင်စပ်က လှောင်တတ်ပေလေး။
ကျူရိုးရှင် ပီပီတေးနဲ့ လူငေးတဲ့လေး။
လှောင်ရက်ပေ့ဗေဒါခင်။
နားမနေဒီရေစီးမှာ ၊ ဟီးတိုက်လို့ပင်။
ကျူရိုးတံရှင်၊ ငေးချင်လို့ဟုတ်ပဲ။
စုန်ချည်၊ ဆန်ချည်နဲ့
ဗေဒါရီမယ့်ဖြစ်နဲ၊ နွမ်းခဲ့လိုဘဲ။ ။
ဇော်ဂျီ