ပြတင်း ဖွင့်လိုက််ရင်
စေတီပုထိုး မမြင််ရလို့
နံရံက ရွှေတိဂုံဘုရားပုံတော်ကို ဦးခိုက်
ခေါင်းဦးဘေးက မေမေ့ဓာတ်ပုံလေးကို ရှိခိုး
မေမေ , နေကောင်းလား မေမေ . . .
မနက်ခင်း ပဲပြုတ်နဲ့ မေမေ့ထမင်းကြော်
( စားခွင့်ရရင် )
ချိုးကပ််လည်း သားမညည်းတော့ပါဘူး မေမေရယ် . . .
မေမေ့သားဟာ ဖိနပ်လှေနဲ့
ရွက််လွှင့်လာခဲ့တဲ့ ရော််ရွက််ဝါပေါ့
မေမေ့သစ်ပင််က ကြွေကျခဲ့တဲ့ သစ်သီးတစ်လုံး
တစ်ကိုယ်ကောင်းစိတ်ကြောင့်မဟုတ််ဘူးဆိုတာ
မေမေကော သားကောသိတာပဲ !
အိမ်ထောင့်က ဂစ်တာအိုလေးလို
ံဘဝချိုချိုတွေ မေ့လျော့နေခဲ့တာကြာပြီ
ကျွန်တော််အခန်းက ကန့်လန့်လျှောက််ရင် ခြေလေးလှမ်း
တည့်တည့်လျှောက််ရင် ခြေဆယ််လှမ်း
ညဘက် ပြတင်းဖွင့်ရင်
အနက််ရောင် ကန့်လန်ကာက
ကြယ််လေးတွေတစ်ဖျတ်ဖျတ်တော့လက််တယ်
လက််ဖဝါးထဲမှာ အချိန်မရှိဘူး
ချွေးစက််တွေမှာ ငွေရှိတယ် . . .
ကျွန််တော်ဟာ တိုင်းပြည််ရဲ့ယိုစိမ့်မူ့တခုပေါ့
ပျော်လွန်းလို့ ခုန်ချခဲ့တာတော့မဟုတ်ဘူးလေ
တော်လွန်းလို့ ကူးခတ်ခဲ့တာလည်းမဟုတ်ဘူး
ပန်ကန်ထဲမှာ အမှန်တရားတွေ မထည့်ထားမှတော့
ကျွန်တော်တို့ မစားဖြစ်တာအပြစ််မဟုတ််ဘူး မေမေ . . .
ကျွန်တော် နေကောင်းတယ် မေမေ
ညီမလေး . . . ငါးဟင်းချက််ရင််ငိုတုန်းလား !
သူ့အကို မလေးရှားရောက််ကြီး သတိရတယ်ပြောပေးပါနော် . . . !
မနက် ၈ . ည ၈
အလုပ်သိမ်းတော့ အိမ်ပြန်
မေမေခင်းပေးထားတဲ့ အိပ််ယာလေးမရှိဘူး . . .
ကျွန်တော့်သူငယ်ချင်းဟာ
ထောင့်ချိုးက နံရံလေးပေါ့
ကျွန််တော်ဘာပြောပြောနားထောင််တယ်
သူ့ပုခုံးမှီ အိပ််ပျော်ခဲ့ရတဲ့ ညပေါင်းကမနည်း . . .
ဖေဖေ့ ရက််လည်မှာ မေမေငိုသေးလား !
မေမေ့မျက််ရည််တွေ ညီမလေးသုတ်ပေးရဲ့လား !
အဖေတစ်ယောက််လုံး ရက််လည်
မရောက််လာနိူင််တဲ့ သားမိုက််ကိုကော
ဖေဖေ ခွင့်မလွှတ်ဘူး မပြောသွားဘူးလား !
နေလာတာ ငါးနှစ်
ပြတင်းပေါက်က ကြယ်တွေတောင် အိမ်ပြောင်းသွားကြပြီ
မေမေ့သား အိမ်ပြန််မရောက််သေးဘူး
သတင်းစာမှာ
မလေးရှား၌ မြန်မာအလုပ််သမားတစ်ယောက််သေဆုံးခြင်းတဲ့
ဒါမှားနေတာ
ကျွန်တော်မဟုတ်ဘူး မေမေ . . .
လုံးဝ မဟုတ်ဘူး . . .
မေမေ့ပုခုံးပေါ်မှာ နားချင််လို့
လိပ်ပြာလေးလို ပြောင်းလာတာပါ . . .
မခွဲတော့ဘူး မေမေ
လုံးဝမခွဲတော့ဘူး . . . . .
အိပ်မက်တွေ အပြည့်သယ််ဆောင််လာတဲ့ရထား
မေမေ့ရှေ့မှာ ဆိုက််ရောက််လာပြီလေ . . .
( မေမေ … မတွေ့ဘူးလားဟင် ! )
Credit>> Ulay Kyi ( ကိုလင်း )
အဆင်ပြေပါစေ။
