ဒီနွေဦးမှာ
ရွက်ဝါတွေကြွေ
ရွက်နုတွေဝေဖို့
အားမာန်သစ်တွေစုနေကြလေရဲ့
ဒီနွေဦးမှာ
အဆုံးအစမရှိတဲ့ စကြဝဠာကို
မြန်မာ့နွေဦးဆိုတဲ့အမည်နဲ့ စိုးမိုးဖို့
ငါတို့ စီစဉ်ထားခဲ့တယ်လေ..
ဒီနွေဦးမှာ
အသစ်အသစ်သော
နှစ်သစ်ကူး ပိတောက်ဖူးတွေလဲ
အောင်မြင်မှုနဲ့တွေအတူ ဖူးပွင့်လာအုံးမှာပါ..။
#ဝိုင်အမ်အို
#myanma_spring
My Notes
ကျွန်တော်ရဲ့ မှတ်စု Blog လေးပါ....
Wednesday, March 31, 2021
myanma_spring
သိဘို့
ကိုယ်နိုင်သလောက် ဝန်ကိုပဲ ထမ်းတာအကောင်းဆုံးပါ။
ဘေးလူကို ကိုယ့်လောက် မထမ်းနိုင်လို့ဆိုပြီး အပြစ်မတင်ပါနဲ့။
တယောက်နဲ့တယောက် ဘဝအခြေအနေ၊ ခံယူချက်၊ ရဲဝံ့မှု မတူညီနိုင်ပါ။
အသုံးဝင်ပုံလည်း မတူကြသလို အသုံးဝင်တဲ့နေရာ ချင်းလည်း မတူကြဘူး။
နွေ
မြင့်လေ ရင့်လေ နွေရာသီတစ်ခုမှာ
ပူလောင်မှုတွေအကြောင်း ပြောပြမလို့
ကိုယ် မင်းဆီ ဖုန်းခေါ်ချင်တယ်။
#OnlyMe
Saturday, February 27, 2021
milkteaalliance
လက္ဖက်ရည်ထဲ နို့ထည့်သောက်တဲ့ ရိုးရာဓလေ့ကို ဘယ်သူကများ တီထွင်ခဲ့တာလည်းကွာ။
ငါ့မှာတော့ ဂိတ်ဆုံးဆိုတာနဲ့ပဲ
နှစ်ပါးသွားနေရတာ ကြာပေါ့။
လာနီညာ အယ်နီညိုတွေကြောင့်
ဒီတနှစ်
အာရှနွေဦးဟာ
ပိုပူမယ်တဲ့။
သနပ်ခါးကို ထူထူလိမ်းပါ
mask တပ်ပါ
ထီးနဲ့ ဖိနပ်ကိုလည်း မမေ့ပါနဲ့
ဒီကန္တာရခရီးလမ်းက ပိုပြီးကြမ်းတမ်းမယ်တဲ့။
ဘာပဲဖြစ်ဖြစ်
သတိဆိုတာ
ပိုတယ်မရှိဘူးပေါ့ ဟန်နီ။ ။
#ဝိုင်အမ်အို
#milkteaalliance
Tuesday, August 20, 2019
မြန်မာယူနီကုဒ်စံစနစ်ကူးပြောင်းခြင်း
နိုင်ငံတော်အစိုးရ၏ နိုင်ငံတကာအသိအမှတ်ပြု ယူနီကုဒ်စံစနစ် ကူးပြောင်းရေး ရည်မှန်းချက်အား ထောက်ခံသည့်အလျှောက် ပြည်သူလူထုနှင့် ဆက်သွယ်ပြန်ကြားရာတွင် ယူနီကုဒ်စနစ်အား ၂၀၁၉ ခုနှစ်အောက်တိုဘာလ (၁) ရက်နေ့မှစ၍ အသုံးပြုကာ နိုင်ငံတော်အစိုးရ၏ လမ်းညွှန်မှုကို လိုက်နာဆောင်ရွက်သွားမည်ဖြစ်ပါသည်။ ယခုစာမျက်နှာသည် တယ်လီနောသုံးစွဲသူများအပြင် ပြည်သူလူထုတစ်ရပ်လုံး ၎င်းတို့၏မိုဘိုင်းဖုန်းများအား ယူနီကုဒ်စနစ်သို့ ကူးပြောင်းနိုင်ရေးအတွက် နည်းပညာပိုင်းအရ အကူအညီပေးနိုင်ရန် ရည်ရွယ်ပါသည်။
အဘယ်ကြောင့် ယူနီကုဒ်စနစ်သို့ ကူးပြောင်းသင့်သနည်း။
ယူနီကုဒ်စနစ် ကူးပြောင်းအသုံးပြုရခြင်း အကြောင်းရင်းများစွာရှိပါသည်။
က.
အလိုအလျောက်စာသားပုံဖော်ခြင်း လုပ်ဆောင်ရာတွင် လက်ရှိသုံးစွဲထားသော စာသားများ ကို နားလည်ရန်လိုအပ်သည်ဖြစ်ရာ အက္ခရာတစ်လုံးခြင်းကို ကုဒ်အသွင်သို့ ပြောင်းလဲရေးသွင်းခြင်း လုပ်ငန်းစဉ် မှာ အရေးပါလှသည်။ ယူနီကုဒ်မဟုတ်သော စာလုံးများကို ကုဒ်အသွင်သို့ ပြောင်းလဲရေးသွင်းရာတွင် အခြားသောလုပ်ငန်းစဉ်များကို ထပ်ဆောင်းလုပ်ဆောင်ရန်လိုအပ်ပြီး ဘာသာစကားအနည်းငယ်ကိုသာ အကန့်အသတ်ဖြင့် အဓိပ္ပာယ်ဖော်နိုင်ပါသည်။ ယူနီကုဒ်စနစ်ကို တပြေးညီအသုံးပြုကြခြင်းဖြင့် ကမ္ဘာတဝှမ်း စာသားပုံဖော်မှုဆော့ဖ်ဝ်လ်ကို မျှဝေသုံးစွဲနိုင်မည် ဖြစ်သည်။
ခ.
အချို့သော အက်ပလီကေးရှင်းများသည် ကမ္ဘာအနှံ့ရှိ ဘာသာစကားအမျိုးမျိုး ကွဲပြားနေသော အသုံးပြု သူများအကြား အချင်းချင်းဆက်သွယ် ပေါင်းစည်းနိုင်အောင် ကူညီပေးသည်။ ယူနီကုဒ်သည် မိမိမည်သည့် ဒေသတွင် နေထိုင်ပြီး မည်သည့်ဘာသာစကား အသုံးပြုသည်ဖြစ်စေ အသုံးပြုသူအား တစ်ကမ္ဘာလုံးနှင့် ဆက်သွယ်ပေးနိုင်သည်။
ဂ.
ယူနီကုဒ်စံမဟုတ်သော ကုဒ်များသည် ဘာသာစကားအများစုကို အထောက်အပံ့မပြုသည့်အတွက် အသုံးပြုသူများဖန်တီးလိုက်သည့် ကုဒ်မှ အဓိပ္ပာယ်ပြန်လည်ဖော်ဆောင်ရာတွင်လည်း ကူညီပံ့ပိုးနိုင်မည် မဟုတ်ပေ။ အသုံးပြုသူများသည် အက္ခရာများကို သိမ်းဆည်းရာတွင် တစ်ခါတစ်ရံ အထောက်အပံ့ ပြုထားသည့်ကုဒ်များ (ဥပမာ - ဘရောက်ဇာမှ အသုံးပြုသော အက္ခရာများကို သိမ်းဆည်းခြင်းဖြင့်) ထက် အသုံးပြုသူများ စိတ်တိုင်းကျ ရွေးချယ်ဖန်တီးထားသောကုဒ် (ဥပမာ - မိမိတို့ကိုယ်ပိုင်ဒေတာအဖြစ်) များကို အသုံးပြုမှုများသည်။ ထိုသို့ပြုလုပ်ခြင်းသည် အက်ပလီကေးရှင်းအား အကြောင်းအရာကို လွဲမှားစွာ နားလည်မှတ်သားစေနိုင်သည်။ ဥပမာအားဖြင့် အကြောင်းအရာတစ်ခုအား ဒေတာဘေ့စ်တွင် ရှာဖွေရာတွင် သော်လည်းကောင်း၊ ကြော်ငြာနေရာချရန် လုပ်ဆောင်ရာတွင်သော်လည်းကောင်း လွဲမှားမှုများဖြစ်စေနိုင် သည်။
ဃ.
ဝက်ဘ်ဆိုက်အများစု သို့မဟုတ် အက်ပလီကေးရှင်းများ၏ bugs (မှားယွင်းမှုများ) သည် အက္ခရာ များအား ကုဒ်အသွင်ပြောင်းသိမ်းဆည်းမှု (character encoding)နှင့် ဆက်စပ်နေသည်။ အဘယ်ကြောင့် ဆိုသော် မတူညီသောဆိုက်များ သို့မဟုတ် ဆိုက်ချင်းတူပြီး မတူညီသောနေရာများတွင် မတူညီသော အက္ခရာသိမ်းဆည်းမှုကို အသုံးပြုပါက ထိုဒေတာများသည် နေရာအတော်များများတွင် လွဲမှားစွာ အဓိပ္ပာယ် သက်ရောက်နိုင်သည်။
ယူနီကုဒ်အကြောင်း ပိုမိုလေ့လာရန်
ယူနီကုဒ်ကူးပြောင်းရေးလုပ်ငန်းစဉ်နှင့် ပတ်သက်သော သတင်းအချက်အလက်များကို အောက်ပါလင့်ခ်များမှ တစ်ဆင့်လည်း လေ့လာဖတ်ရှုနိုင်ပါသည်။
က.
မြန်မာနိုင်ငံကွန်ပြူတာအသင်းချုပ်၏ ဝက်ဘ်ဆိုက် - မြန်မာယူနီကုဒ်စံနှုန်းများနှင့် သက်ဆိုင်သော တရားဝင် သတင်းအချက်အလက်များ - www.mcf.org.mm
ခ.
တရားဝင် မြန်မာယူနီကုဒ် ဝက်ဘ်ဆိုက် - www.unicodetoday.org
ဂ.
ယူနီကုဒ် Consortium - www.unicode.org
ဃ.
W3C - www.w3.org
င.
SIL International - www.sil.org
ယူနီကုဒ်ဖောင့် ဘယ်လိုထည့်မလဲ။
Android
iOS
Unicode Keyboard နှင့် Font apk ကို Playstore ကနေ Download ဆွဲနိုင်ပြီး အောက်ပါနည်းလမ်း တစ်ခုခုဖြင့် ထည့်သွင်းနိုင်ပါသည်။
၁.
Setting>>Display>> မှတဆင့် “Default” ဖောင့်ကိုရွေးပါ။
၂.
Theme Style ထဲတွင် Default Theme ကိုရွေးပါ။
၃.
Language & Input မှတဆင့် English (US) မှ English (UK) သို့ ပြောင်းပါ။
၄.
Setting>>Language & Input မှတဆင့် Unicode အမည်ရှိ Language ကို ရွေးချယ်ပါ။
၅.
ဘာသာစကား ၂ မျိုး ရွေးချယ်နိုင်သည့် ဖုန်းများတွင် English ကို ပထမ၊ မြန်မာ (ယူနီကုဒ်)ကို ဒုတိယထား၍ အသုံးပြုနိုင်ပါသည်။
၆.
iFont, ZFont (APK) ကဲ့သို့သော ကိုယ့်စိတ်ကြိုက် ဖောင့်များထည်သွင်းအသုံးပြုနိုင်ပါသည်။
၇.
ဇော်ဂျီဖောင့်တစ်မျိုးတည်းသာ ထည့်သွင်းထားသောဖုန်းများတွင် ယူနီကုဒ်ဖောင့်အား Root Access လုပ်ပြီး ထည့်သွင်းနိုင်ပါတယ်။
အမေးများသောမေးခွန်းများ
Android များအတွက်
ယူနီကုဒ်စနစ်ပြောင်းမယ်ဆိုရင် ဘာတွေလိုမလဲ။
ယူနီကုဒ်ဖောင့်နဲ့ ယူနီကုဒ်ကီးဘုတ် လိုပါတယ်။
ယူနီကုဒ်ဖောင့်အတွက် အသုံးပြုနိုင်မယ့် ကီးဘုတ်တွေက ဘာတွေလဲ
ကီးဘုတ်တွေကို ဘယ်လိုဒေါင်းလုပ်ဒ်ဆွဲနိုင်ပါသလဲ။
ဖောင့်အက်ပလီကေးရှင်းတွေကို ဘယ်ကဒေါင်းလုပ်ဒ်ဆွဲနိုင်ပါသလဲ။
Facebook နဲ့ Messenger မှာ စာတွေဖတ်လို့မရတာကို ဘယ်လိုပြင်ဆင်နိုင်ပါသလဲ။
SMS ကစာတွေဖတ်လို့မရတာကို ဘယ်လိုပြင်ဆင်နိုင်မလဲ?
Viber မှာစာတွေဖတ်လို့မရတာကို ဘယ်လိုပြင်ဆင်နိုင်မလဲ။
တချို့ အွန်လိုင်းစာမျက်နှာတွေမှာ စာတွေဖတ်လို့မရတာကို ဘယ်လိုပြင်ဆင်နိုင်ပါသလဲ။
ဖုန်းထဲက မီဒီယာဖိုင်တွေ၊ ဖိုလ်ဒါတွေ၊ Contact ထဲမှာမှတ်ထားတဲ့ လူနာမည်တွေကို ယူနီကုဒ် ဘယ်လိုပြောင်းရမလဲ။
စာလုံးဖောင့်ပြောင်းလဲပေးတဲ့ Converter ဘာတွေရှိလဲ။
iOS များအတွက်
Credit >> www.telenor.com.mm
Tuesday, April 30, 2019
၁၀နှစ်ပြည့်နှစ်ပတ်လည်မှသည်....သက်ဆုံးတိုင်သို့
10 Years Anniversary in Love
Video click > 10 years anniversary in love from Facebook
လွန်ခဲ့သော ၂၀၀၉ ဧပြီ လ ၃၀ ရက်နေ့ကနေ ဒီနေ့ ၂၀၁၉ ဧပြီ ၃၀ ရက်နေ့အထိ ဆိုးအတူကောင်းဖက် ဘဝမှာ နှိမ့်ချည်တစ်ခါ မြင့်ချည်တစ်လှည့် မငြီးမငြူဘဲ ဘေးမှာ အမြဲနေပေးခဲ့တဲ့အတွက် ချစ်ရတဲ့ ဂျူး ရယ် သမီးကြီး ဖြိုးပြည့်ပြည်စံ နဲ့ သားလေး နေနော်ဝင်း တို့ရေ ကျေးဇူးကမ္ဘာပါနော်။ ဒီနေ့ဒီအချိန် ကိုယ်တို့ရဲ့ (၁၀)နှစ်ပြည့် မင်္ဂလာနှစ်ပတ်လည်နေ့မှသည် သက်ဆုံးတိုင်သို့ ပျော်ပျော်ရွှင်ရွှင်နဲ့ ဘဝကို အတူတူဆက်လက်ဖြတ်ကျော်ကြမယ်နော်။ ဂျူးနဲ့ မိသားစုကို ချစ်တယ်။
Saturday, April 13, 2019
ဘဝမှာ အတွေ့အကြုံအသစ်တွေနဲ့ စိန်ခေါ်တတ်စေဖို့
မဲခေါင်မြစ်ဘေးက ဇွဲသာယာကမ်းခြေမှာ
မိုးခေါင်ရေရှားတဲ့ အညာဒေသမှာ မွေးဖွားကြီးပြင်းလာတဲ့ ကျနော်ဟာ ပင်လယ်တို့ မြစ်တို့ မဆိုထားနဲ့ ရေအမြဲစီးဆင်းနေတဲ့ ချောင်းငယ်လိုဟာမျိုးတောင် စာသင်ကျောင်းမှာ ဆရာကပြောပြလို့ စိတ်ကူးနဲ့ မှန်းပြီးမြင်ယောင်ခဲ့ရသူပါ။ ခုချိန်မှာ ကျနော့ သမီးကြီးနဲ့ သားငယ်ကိုတော့ ကျနော့တုန်းကလို မဖြစ်အောင်ရယ် ရေစီးကြောင်းရဲ့သဘောသဘာဝနဲ့ ရေစီးထဲမှာ အသက်ရှင်သန်အောင် ဘယ်လိုနေရမလဲဆိုတာရယ် သိလာအောင် လက်ရှိနေထိုင်ရာ တာချီလိတ်နဲ့ အနီးဆုံးဖြစ်တဲ့ မဲခေါင်မြစ်ကို မကြာခဏဆိုသလို လိုက်ပို့ဖြစ်ခဲ့ပါတယ်။ နောင်တစ်ချိန်မှာ သူတို့လေးတွေဟာ ဘဝရေစီးကြောင်းမှာ ဘယ်လိုရပ်တည်နေထိုင်ကြရမလဲဆိုတာ အလိုလို သဘောပေါက်လာကြလိမ့်မယ်လို့ ကျနော် ယုံကြည်တယ်။
Happy 10th years of wedding anniversary celebration me and my family members. 2009-2019, April
ယခင်နှစ်က ဒီအချိန်ကို ကြည့်ရန်